المشاركات
✍️لما تلاقي نفسك زهقت وشغل التمريض تقيل عليك عايزك تفتكر كم حاجة كدة.
✍️وارد جداً إن انت أو أي حد عزيز عليك يتحط مكان المريض دة.
✍️فاعمل مع المريض اللي تحب انه يتعمل معاك لو كُنت مكانه.
✍️المريض ملوش ذنب في إن مرتبك مش مكفيك.
✍️المريض ملوش ذنب ان الروستر بتاعك مش على كيفك.
✍️المريض ملوش ذنب إن المشرف أو المُدير ظالم أو تعامله وحش.
✍️المريض ملوش ذنب انك كنت مطبق في مستشفى تاني وجاي.
✍️المريض أمانة بين ايديك اوعى تخونها.
✍️وافتكر انك بتعمل حمام بنفسك وتنضف نفسك ومحدش بيطلع على عورتك في حين ان المريض طريح الفراش مش قادر يعمل كدا.
✍️افتكر انك بتمشي على رجليك وهو لا.
✍️افتكر انه بيتألم من الوجع وانت لا.
✍️افتكر ان انت بتاكل اللي انت عايزه و بتعرف تأكل نفسك وهو لا.
✍️افتكر انك هتروح آخر الشفت براحتك وتشوف أهلك وهو لا.
✍️افتكر ان انت حُر وهو محبوس وسط الأجهزة والمعدات والادوية.
✍️اياكم ان تتخلوا عن انسانيتكم مع المرضى..
✍️تذكروا أنّ النبي صلى الله عليه وسلم قال [ الراحمون يرحمهم الرحمن - ارحموا مَن في الأرض يرحمُكُم مَن في السماء ]
ليست هناك تعليقات:
إرسال تعليق