هل بكالوريوس التمريض التخصصي ليه تكليف

نفسي اعيش لليوم اللي الاقي محدش بيتكلم غير بعلم ..
✍️كمية هبد وفتي و هري موجودة بشكل مقرف الايام دي٠
✍️خريج المعهد اللي شغال بتكليف المعهد وربنا اكرمه وكمل كلية تمريض تخصصي موقفه ايه بعد الكلية ؟
✍️ هيفضل شغال لحد ما يخلص كلية.
✍️ لو التكليف استمر زي ما هو وما اتلغاش ها يقوم بالاستقالة من تكليف المعهد بعد ما يخلص امتياز الكلية.
✍️وهينزل عادي تكليف ليه جديد بالكلية.. زيه زي أي خريج عادي.
✍️محدش ها يمسك الدفعة يفرزها ويقول دة كان ثانوية عامة قبل التخصصي نزلوا ليه تكليف ، و دة كان معهد وابن البطة السودة ارموه برا ملوش تكليف.
✍️أي حد يقولك مفيش تكليف مرتين ترد عليه وتقوله محدش طلب رايك واحتفظ بيه لنفسك.
✍️اعرف ناس كتير جدا اتكلفوا مرتين عادي.
✍️ومفيش لا قرار وزاري ولا قانون ولا لايحة تمنع التكليف مرتين.
✍️وبعدين يا أذكى اخواتك تكليف المعهد حاجة وتكليف الكلية حاجة تاني.
✍️يعني اللي خد تكليف المعهد واستقال فعلا ما ينفعش نكلفه تاني بالمعهد... لانه بالفعل خد تكليفه بالمعهد.
✍️لكن هو بعد البكالوريوس هيكون ليه فرصة تكليف بالبكالوريوس عادي بغض النظر هو استلم اصلا بالمعهد ولا مااستلمش.
✍️طيب أنا خايف استقيل بالمعهد ويروحوا لاغيين تكليف الكلية ؟
✍️مفيش تكليف ب يتلغي في يوم وليلة.
✍️الوزارة كل فترة بتنزل بيان فيما يخص التكليف.
✍️وقت ما تخلص كلية شوف الدنيا ماشية ازاي.
👌التكليف شغال استقيل 
👌التكليف اتلغى خلاص خليك شغال بالمعهد واديك ضمنت وظيفة حكومية والكلية هتفيدك في السفر او الشغل في القطاع الخاص وتفيدك كمان في الدراسات العليا لو حبيت تكمل.
👌طب ليه ما اسويش مباشرة واكمل زي ما انا أخصائي في نفس المكان بتاعي ؟
✍️عشان التسوية اتوقفت منذ ١ نوفمبر ٢٠١٩ بناء على ما جاء في قانون الخدمة المدنية ٨١لسنة ٢٠١٦.
✍️أي حد يقولك التسوية كل شوية تفتح وتقفل قوله اسكت .. مش بوابة هي ..
✍️التسوية اتوقفت بحكم قانون وافق عليه البرلمان بشكل نهائي واتمضى من رئيس الجمهورية و نزل في الجريدة الرسمية وبقرار رئيس مجلس الوزراء كمان.
✍️ اللي بيحصل ان الوزارة حاليا بتنزل في رغبات التكليف الأماكن اللي فيها عجز فقط.
✍️فلو المكان اللي انت كنت شغال فيه بالمعهد لسه فيه عجز وكتبته في رغبات تكليف الكلية وارد ييجي لك عادي.
👌لكن لو مفيهوش عجز انسى انك ترجع له تاني.
👌الكلام واضح زي الشمس اهو وياريت ما تسمحوش لحد يضللكم و يهبد و يفتي بدون علم..
👌بالتوفيق للجميع واستسمحكم ابعتوا المقال دة لزمايلكم عشان يفهموا زيكم كدة.