المشاركات
هل الجامعات الخاصة فيها تعيين معيدين ؟
✍️اه عادي بتعين مُعيدين بس النظام عندهم مُختلف شوية عن التعيين في الجامعات الحكومية.
✍️الخاصة أول ما تفتح بتعمل اعلان انها عايزة مُعيدين واي حد معاه بكالوريوس من أي جامعة وتقديره جيد جداً أو امتياز بيروح يقدم ويتعمل له مُقابلة شخصية واحياناً بيطلبوا منه يعمل Presentation ويشرحه قدام رئيس القسم.
✍️وبعدين بيختاروا المعيد بناء ع المقابلة.
✍️لكن التعيين الحكومي مفيهوش الكلام دة.
✍️الحكومي بيعين الخمسة او العشرة الاوائل على الدفعة تراكمي...
✍️الخاص بيشغلك عنده بعقد سنوي وممكن بعد انتهاء العقد ما يجددوش تاني.
✍️لكن الحكومي تثبيت دائم مدى الحياة.
✍️الجامعات الخاصة لما تبتدي تخرج دفعات بياخدوا من الاوائل بقى ويعينوهم بعقد برضة بنظام Full time يعني بيروح الأسبوع كله.
✍️فيه بعض الجامعات مطبقة نظام شغل اسمه Part time بتروح جزء من الوقت مش الوقت كله .. بتروح يومين مثلا ف الأسبوع وخلاص و بتحاسبك عليهم.. كانك شغال باليومية كدة أو بالشفت.
✍️مُرتبات المُعيدين ف الجامعات الخاصة اعلى شوية من الحكومي بس مش كبيرة اوي يعني .. فرقها بسيط.
سؤال يا دكتور بالنسبه لكلية علوم تطبيقيه او علوم صحيه هو ممكن حد يتخرج منها وجايب امتياز يتعين ف جامعه خاصة ولا لاء وشكرا لحضرتك
ردحذف