المشاركات
✍️الفرق بين الجامعات الأهلية والحكومية والخاصة والتخصصي في مجال التمريض!
✅️الحكومي دة اللي كلنا عارفينه اللي بينزل في التنسيق.
✅الأهلية .. جامعة حكومية عادي ولكن بمصاريف اغلى من الحكومي وارخص من الجامعات الخاصة.
️✅كليات التمريض في الجامعات الأهلية لا تقبل الا طلاب الثانوية العامة فقط...
👌طلبة المعاهد مينفعش يكملوا فيها.
👌مجموع كليات التمريض في الجامعات الأهلية مش مرتبط بالتنسيق الحكومي وبياخد اقل منه بكتير .. على سبيل المثال السنة دي .. الحد الادنى للتقديم فيهم ٥٣ %.
️✅️الجامعات الخاصة دي جامعات غير حكومية [ خاصة ] بس معتمدة من المجلس الأعلي للجامعات وليها تكليف عادي .. والتنسيق بتاعها بعد الثانوية العامة بياخد نفس تنسيق الجامعات الاهلية.
👌الفرق بس ان الجامعات الخاصة بتسمح لخريجي المعاهد انهم يكملوا كلية عندهم.
👌بس الجامعات الخاصة بتاخد خريجين المعهد دفعات حديثة ما يعديش على تخرجهم سنتين.
👌فيه جامعات خاصة بتدخل خريج المعهد على سنة تانية على طول.
👌وفيه جامعات بتدخلهم على سنة اولى.
👌وفيه جامعات بتشترط ان اللي يكمل عندها يكون متفرغ مش مستلم تكليفه.
👌نيجي لبكالوريوس التمريض التخصصي.. دة حكومي في الجامعات الحكومية ولكنه بمصاريف اغلى من الحكومي وارخص من الجامعات الخاصة..
👌 بياخد من مجموع عالي بعد الثانوية العامة.. يعني لو اقل كلية تمريض في التنسيق خدت ٨٥ % بياخد نفس المجموع.
👌الميزة انه لو واحد مثلاً من القاهرة والتنسيق وداه قنا ومش عايز يتغرب ومجموعه مش جايب القاهرة.
👌يقدر يدخل القاهرة عادي بس تخصصي..
👌مدة الدراسة فيه ٥ سنين .. ومعتمد ورسمي وزي الفل.
👌التخصصي اول ما اتعمل كان بياخد خريجين المعاهد من اي دفعة قديمة.
👌بعد كدة خلوها لحد سن ٢٥ سنة بس.
👌السنة دي خلوها اخر سنتين فقط والمجموع ما يقلش عن ٧٥ %
👌يعني خريجين المعاهد آخر سنتين فقط اللي ينفع يقدموا ومجموعهم في المعهد ما يقلش عن ٧٥ %..
اتمنى تكون الصورة وضحت للطلبة وأولياء الأمور
ليست هناك تعليقات:
إرسال تعليق