٤٠ نصيحة لطلاب امتياز كلية التمريض

 ✅اعزائي الطلبة اللي خلصوا سنة رابعة تمريض و داخلين علي الإمتياز ركزوا معايا هنا 👇

✅أولاً إنت لسه طالب مش معني إنك خلصت رابعة يبقي كدة خلاص...

✍️الامتياز محسوب من ضمن سنوات الكلية فحاول تستفيد منه على قد ما تقدر.

✅إنت مش هتاخد شهادة تخرجك غير لما تقضي ١٢ شهر تدريب عملي  "إمتياز"

✅سنة الإمتياز ملهاش مجموع و مش بتتضاف علي المجموع التراكمي - المُهم بس تلتزم بعدد شفتاتك و باللوايح و القوانين عشان تخلص إمتيازك في معاده.

✅طالب الإمتياز مش موظف ملوش بعض المزايا اللي بتنزل للموظفين زي مكافئات الأعياد مثلا و كدة.

✅طالب الإمتياز مينفعش يمسك حالات بمفرده بدون إشراف و رقابة من التمريض الأساسي اللي في المستشفي.

✍️ولو حد من التمريض الأساسي حاول يشيلك المسئولية لوحدك ارفض وبلغ ادارة المستشفى فورا..

👌شيل واشتغل بس تحت اشرافه والملف الطبي يتقفل بخط ايده هو والامضاء بتاعته هو.

👌خليك حريص في حوار الامضاء .. مش أي حاجة تمضي عليها.

✅ثانياً الجُزء المثالي اللي في المناهج دة مش هتلاقيه علي أرض الواقع - هتلاقي الوضع مُختلف شوية ف ما تتصدمش - تعايش و تأقلم و ما تحبطش نفسك.

✅حاول تستفيد من الإيجابيات قدر الإمكان و ما تركزش مع السلبيات عشان ما تتعبش.

✅مُعظَم الأفكار اللي في دماغك كانت في دماغ ناس تانية قبلك و معرفوش يغيروا حاجة.

✅إنت خريج أخصائي عام مش متخصص و مهما حاولت مش هتطلع من الإمتياز بيرفكت..

👌اقصد ما تلومش نفسك لو لقيت السنة خلصت وانت مش ملم بكل حاجة..

👌صعب تكون مُلِم بكل حاجة .. بس حاول قدر المُستطاع انك تطلع باكبر قدر من الاستفادة.

✅حاول تستفيد و تركز و تسخر كل وقتك للتعليم خلال الفترة دي في أي قسم تروحه.

✅خلي معاك نوتة و اكتب فيها أي تشخيص أو إختصار Abbreviation أو دواء أو عملية surgical procedure و إعمل سيرش عنها هتلاقي نفسك بعد فترة بقي عندك حصيلة معلومات حلوة.

✅خد المعلومة من الكتُب و المراجع أفضل لأن مُعظم اللي في المُستشفيات مشغولين بالعملي أكتر من النظري ف ها يفيدوك أكتر في الجزء الفني...

👌ما تثقش اوي في اي معلومة بتسمعها وحاول تدور بنفسك على مصدر موثوق لأي معلومة سمعتها.

👌الكتاب أو المرجع العلمي مش بينسى انما البشر ب ينسوا عادي.

✅الشطارة في مهنتنا ملهاش علاقة بمؤهلك - يعني هتقابل ناس معاهم بكالوريوس و تستغرب هما اتخرجوا ازاي ، و هتقابل ناس بدبلوم و معهد شطارة و مهارة و علم و أدب و مُمكن يكونوا أشطر من ناس معاهم ماستر و دكتوراه.

✅ركّز إنك تتعلم و تعدي إمتيازك علي خير عشان تتخرج و تاخد ترخيص مزاولتك و تشوف مُستقبلك.

✅متحاولش تدور علي شغل في مستشفي بتشغل طلبة عشان معظم الأماكن دلوقتي عايزة مزاولة ،و لو لقيت مكان يشغلك و انت طالب هايديك مرتب ضعيف أو المكان نفسه مُمكن يكون تحت السلم فمش هتتعلم فيه غير العك بس 

👌ولو غلطت غلطة هتلاقي نفسك محبوس لانك بتمارس المهنة بدون ترخيص وعندنا نماذج كتيرة لشباب وبنات اتحبسوا بسبب أخطاء حصلت في أماكن زي دي.

✅استني لما تتخرج و تشتغل بكرامتك في مكان نضيف أفضل.

✅هتقابل ناس مُحبِطة و مش وراهم غير السلبيات دول ملكش دعوة بيهم و ركز في مستقبلك.

✅القرءاة ثم القراءة ثم القرءاة و انصحكم بكتاب

The intensivist Icu

Doctor guide 

Emtiazology 

Pharma Nursing 

Nursology 

دليل المُريد في سلامة المريض 

✅انصحكم بالحصول علي دورة BLS ,ACLS هتستفادوا منها جداً..

👌البنات انصحهم ياخدوها بعد الامتياز مباشرة.

👌الولاد انصحهم ياخدوها بعد الجيش.

✅الدبلومات و الماستر و أي دراسات عليا مينفعش تبدء فيها غير لما تخلص إمتيازك.

👌الإمتياز في الحكومي زي الخاص .. المكان مش ها يفرق في حاجة..

👌كل مكان فيه عيوب ومميزات.

👌استفيد من المميزات واللي فاتك ف الإمتياز تقدر تعوضه بعد الامتياز عادي.

👌يعني لو روحت حكومة وفاتك الشغل في مكان واخد Jci تقدر تشتغل بعد الامتياز عادي في اي مكان واخد jci وخلال شهر هاتعوض كل اللي فاتك بالاضافة للمهارات اللي اتعلمتها في الحكومة.

✅ اوعي تفتي بدون علم .. اللي متعرفش فيه اسال عنه.

👌مش عيب انك تقول ما اعرفش.

👌اوعي تمضي على حاجة بدون ما تكون عارف هي ايه.

👌لو انت ولد ودخلت لك حالة فيميل لوحدها ما تخليش بيها تحت أي بند.. 👌هات بنت زميلة ليك تتعامل معاها عشان شوفنا بنت غير مصرية رفعت قضية على ولد في مستشفى خاصة واتهمته انه اتحرش بيها.

👌اهتم بمظهرك وشكلك وريحتك وخليك جنتل كدة في نفسك.

👌وانتي يا بنتي كذلك بس بلاش الميك اب والبرفان [ البرفان للبنت برا البيت حرام ] واللبس المُلفت .. الاعتدال حلو .