افضل تخصص ماجيستير للتمريض

✍️ايه احسن تخصُّص آخد فيه ماجيستير في التمريض ؟!🤔

👌🏻بشكل عام مفيش تخصُّص أحسن مِن تخصّص ولكن الاختيار هايكون على أساس عدّة بنود.

١- هل انت حابب التخصص و لا مِش حابّه ؟

✍️المجال اللي بتحبه غالبا ها تبدع وتنتج فيه.

٢- هل عندك خبرة عمَلية في التخصص ولا معندكش ؟ 

👌لو عندك خبرة في التخصص أكيد هاتفيدك في الدراسة.

٣- هل انت تكليفك في مكان تخصُّصي ولا عام؟

👌يعني لو تكليفك في مُستشفى أطفال يبقى أنسب تخصص هو تمريض الأطفال.

👌لو مُستشفى نسا يبقى تمريض نسا.

لو نفسية يبقى نفسية وهكذا.

👌لو قلب أو صدر أو حُميّات أو أورام يبقى حضّر Critical أو باطنة و جراحة.

لو مُستشفى عام وشغال في قسم مُعين - حضّر في أقرب تخصص ليك.

👌تخصص ادارة فيه ( إدارة تمريض في كلية تمريض وفيه إدارة مستشفيات في كلية التجارة وفيه ادارة أعمال) 

👌اللي اقنعك ان تخصص ادارة افضل من باقي التخصصات دة واحد مش فاهم حاجة.

👌مفيش نص قانوني او دستوري او حتى لايحة في اي حتة في مصر بتقول ان تخصص ما افضل من التاني ..

👌الكلام دة هجص.

👌لو انا وانت شغالين في جهة واحدة وانا اخدت ماجيستير تخصص محشي كوسة وانت خدت ماجيستير تخصص قنابل نووية.. 

👌احنا الاتنين عند الحكومة معانا درجة علمية اسمها الماجيستير..

👌والحكومة لو ها تختار واحد مننا يمسك اشراف ها تختار الاكبر سنا او اللي خد الماجيستير قبل التاني بغض النظر عن التخصص.

👌كذلك الناس اللي معاهم ماجيستير ورايحين يقدموا على اي وظيفة تدريس في جامعة مفيش حد منهم احسن من التاني .. كل التخصصات مطلوبة وكلها زي بعضيها.

٤- هل مجموعك في الكلية في التخصص دة يسمح لك و لا لا ؟ 

👌لو انت جايب مقبول في تخصص مش هاتعرف تقدم فيه.. لازم يكون مجموعك جيد جداً ع الأقل.

٥- هل مكان عملك محتاج للماجيستير دة و لا لا ؟ 

👌ما تبقاش في مُستشفى نفسية و تحضر ماجيستير أطفال..

👌برضو لو عندك المكان فيه ناس كتير معاهم ماستر و دكتوراه فدة ب يقلل فُرصتك انك تاخد position بيه.

٦- هل المجال دة مطلوب برا مصر ؟ 

👌🏻كل التخصصات مطلوبة بس اكتر تخصص مطلوب هو ال 

Critical, Medical surgical 

٧-تخصص الجودة و مُكافحة العدوي و ادارة المستشفيات الاولوية في المناصب طبقاً لقواعد وزارة الصحة هاتكون للاطباء و أطباء الاسنان و الصيادلة و العلاج الطبيعي.. 

✍️لو اخدت الماستر مُدير فريق مكافحة العدوى والجودة هيبقى دكتور حتى لو معاك ماستر زيه مش عشان هو أحسن منك - لا - عشان العُرف بتاع بلدنا كدة...