أفضل جامعة في الدراسات العليا للتمريض

 بسمِ اللهِ

✍️ايه أحسن جامعة آخد منها ماجيستير في التمريض ؟ 

✍️مفيش حاجة اسمها مكان حلو و مكان وحش .. بس عشان تختار الجامعة هاتختار بناءً على الآتي:-

✍️الجامعة قريبة ولا بعيدة عنك ؟ 

✍️مصاريفها مناسبة لظروفك و لا غالية ؟

✍️الشروط مناسبة ليك ولا لا .. يعني مثلاً فيه جامعات بتطلب سنتين خبرة بعد الامتياز وجامعات تانية بتطلب سنة واحدة وسمعت " بس مش متأكد " ان المنصورة وبورسعيد مش بيطلبوا أي سنين خبرة.

👌🏻فيه جامعات حاطة امتحان التويفل شرط للتقديم و جامعات تانية حطاه شرط للبدء في الرسالة و جامعات تالتة حاطاه شرط للمناقشة.

✍️عدد ترمات الماجيستير مناسب ليك ولا لا ؟ 

👌🏻فيه جامعات بتدي الترمات على ٣ ترمات وفيه جامعات بتدي الترمات على ترمين بس.

✍️هل الجامعة دي بتفتح بشكل مستمر ولا بييجي عليها اوقات و ما تاخدش ناس ؟

👌🏻هل التخصص اللي انت عايز تحضر فيه موجود في الجامعة و لا لا ؟

👌🏻تخصصات زي ال Education, Critical ,Geriatric مش موجودين في كل الجامعات 

👌🏻بالنسبة بقى لفكرة الجامعة دي ب تنجز بسرعة و لا لا ؟

👌🏻السرعة ف انجاز الرسالة دة بيعتمد على كذة حاجة

١- هل انت شاطر وفاهم بحث علمي و لا لا.

٢-هل موضوع رسالتك ليه مراجع حديثة او دراسات سابقة ليها علاقة بيه و لا لا ؟

٣- هل المكان اللي هتعمل فيه الرسالة مرن و لا معقد و الروتين بتاعه كتير ؟

٤- هل المُشرف فاضي لك و متعاون معاك و لا لا ؟

👌🏻قبل ما تاخد قرار انك تختار الجامعة لازم تتأكد من البنود اللي انا ذكرتها فوق دي 👆

👌🏻رأيي المتواضع.. الجامعة الأقرب هي الأفضل لأن المواصلات تعب و مصاريف و إجهاد. فلو وفرت فلوس في الترمات هتدفعها مواصلات.

👌🏻واللي لازم الكل يعرفه ان درجة الماجيستير داخل مصر واحدة يعني القاهرة زي بنها زي اسيوط زي بورسعيد هي درجة علمية واحدة ولو ع السفر برضو الجامعة مش بتفرق في حاجة.

👌🏻ربنا يوفق الجميع.